Saturday, 24 September 2016

මල් පැල

අදත් වේලපහ එනවද
සුලු දොහකි තව රකින්න
අම්මා ඇවිදින් දවසෙම
අදෝනා කට පුරාම

සරුම කාලවල මල් පිපේ
අපේ මල් පැළ තව හීනයේ
අනුන් වතු වල පිපි මල් සැලේ
නැන්දම්මගේ මූසල දුව කැලේ

සොඳුර අප කුළුදුල් හීනයේ
තව නැද්ද සුභ නිමිත්තක්...?
හීන දැකලම තුන් රැයේ
මගේ බණ්ඩිය බෝල වේ...

-කලු මොණරි-

Friday, 16 September 2016

ගෑණු කවි... පිරිමි කවි...

එය ගෑණු කවියක් ද... ?
පිරිමි කවියක් ද.. ?
සොයා යනු කුමට ද?

කවියක් යැයි...
නමක් දෙනු කුමට ද?

ජලය බොන්නන් එමටය
ගැහැණු ද 
පිරිමි ද
නරුමයින් ද 
විලාසිනියන් ද...

අකුරු උපදින්නේ 
කවියක්
විලස නොවය...
අපි එයට කවියක් නොකියමු...!

එය හැඟුම් පිටකරන
අපූරුතම වාන් දොරක් ය...

-කලු මොණරි-

Wednesday, 7 September 2016

ෆැන්ටසි


'මිනිස්සු 
උප්පත්තියෙන් ගේන සමහර දේවල්....
ප්‍රතිපත්තියකින් 
වෙනස් වෙන්නේ නෑ........'

'තනිකම කියන්නෙම 
බැඳීමෙන් පසුව එන දෙයක්....
බැඳිමක් කියන්නෙම 
තනිකම මකාලන විසක්....'

'සිහින කියන්නෙම 
නිදා නොනිදා දකින ෆැන්ටසියක්....
ෆැන්ටසියක් කියන්නෙම 
හිතම සනසන 
දයාබර සිහිනයක්.....'

'ජිවිතේ කියන්නෙම 
ප්‍රේමයෙන් පිරෙන්න ඕන දෙයක්...
ප්‍රේමය කියන්නෙ...
ගැඹුරින්ම 
උපදින්න 
ඕන දෙයක්.....'


ජිවිතය ගෙවෙන්නේ අන්න එහෙම, ------------------------------------------------- නුඹ..., දොඩම් යුෂ එක්ක කලවම් වුණ රතුම රතු වයින් වී...