Tuesday, 30 August 2016

හුස්ම... හුස්ම... හුස්ම...



මට ඕනා හුස්ම ගන්න...!


එහෙම නම් 

ඔයාට සිද්ධ වෙනවා
ජිවත් වෙන්න...

මට ඕනා ආදරේ කරන්න...!

එහෙම නම්
ඔයාට සිද්ධ වෙනවා

යුද්ධ කරන්න...

මට ඕනා මැරෙන්න...!

එහෙම නම්
ඔයාට සිද්ධ වෙනවා

ආදරේ කරන්න...

-කලු මොණරි-

Wednesday, 24 August 2016

පමාවෙන වසන්තය නුඹ

ගිමන් කළ හැර ගියද
මෙවර ආ වසත් සමේ
මල් පිපුණේ නැතිය තව
තවරන්න සුවඳ මගේ

දිවි මැදින් හමා ගිය 
හීන් සුළඟක අනේ
සුසුම් මම තැවරුවෙමි
කාටත් නොපෙනෙනෙ ලෙසේ

නිල් පාට විල් දියම 
කළඹා ගිය සිසිලසේ
දිය රැළි එකිනෙකට සිප
පෙරළිගෙන මැවු රටාවේ

ගලක් ගෙන වීසි කර
එය මකා නික්මුණේ
දුටුවා ද රැළි වල මගේ
ප්‍රේමයේ පණිවිඩේ.....

සැඳෑකල නික්මෙන්න
තව ටිකක් කල් තියේ.....
මම හෙමින් සුසුමන් තියන්නම්
එනතුරා වසන්තය අපේ.........

-කලු මොණරි-


ජිවිතය ගෙවෙන්නේ අන්න එහෙම, ------------------------------------------------- නුඹ..., දොඩම් යුෂ එක්ක කලවම් වුණ රතුම රතු වයින් වී...